Pangako ng Diyos sa Akin: Sa Kanya ay walang imposible

"Sinabi ni Jesus sa kanila: Ito ay dahil sa hindi ninyo pananampalataya.

Katotohanang sinasabi ko sa inyo:

Kung kayo ay may pananampalatayang tulad ng butil ng mustasa,

masasabi ninyo sa bundok na ito: Lumipat ka roon, at ito ay lilipat.

At walang bagay na hindi ninyo mapangyayari."

Mateo 17:20

Pangako ng Diyos sa Akin: Siya ang nagbibigay kapangyarihan

"Ito ay sapagkat hindi tayo binigyan ng Diyos ng espiritu ng pagkatakot,

sa halip, binigyan niya tayo ng espiritu ng kapangyarihan

at ng pag-ibig at ng maayos na pag-iisip."

2 Kay Timoteo 1:7

Pangako ng Diyos sa Akin: Kanyang binibigyang gantimpala ang mga oras na inilaan lamang para sa Kanya.

"Ngunit kung ikaw ay mananalangin,

pumasok ka sa iyong silid. Kapag naisara mo na ang pinto,

manalangin ka sa iyong Ama na nasa lihim.

Ang iyong Ama na nakakakita sa lihim ang magbibigay sa iyo ng gantimpala nang hayagan."

Mateo 6:6

Pangako ng Diyos sa Akin: Siya ay nanahan sa akin at lalakad kasama ko

Huwag kayong makipamatok sa hindi mananampalataya

sapagkat anong pakikipag-isa mayroon nga ang katuwiran sa hindi pagkilala sa kautusan ng Diyos?

Anong pakikisama mayroon ang liwanag at kadiliman?

Paano magkakasundo si Cristo at si Belial?

O anong bahagi mayroon ang mananampalataya sa hindi mananampalataya?

Anong kasunduan mayroon ang banal na dako ng Diyos sa mga diyos-diyosan?

Ito ay sapagkat kayo nga ang banal na dako ng buhay na Diyos.

Tulad ng sinabi ng Diyos:

Mananahan ako sa kanila at lalakad kasama nila.

Ako ang magiging Diyos nila at sila ang aking tao.

Mga Taga Korinto 6:14-16

Pangako ng Diyos sa Akin: Lakas ko'y nanggagaling sa paghihintay sa Kanya

"At dahil dito maghihintay ang Panginoon,

upang siya'y maging mapagbiyaya sa inyo,

at kaya't mabubunyi siya, na siya'y magdadalang habag sa inyo:

sapagka't ang Panginoon ay Dios ng kahatulan;

mapapalad yaong lahat na nangaghihintay sa kaniya."

Isaias 30:18

Pangako ng Diyos sa Akin: Sa pagsunod sa Kanyang mga Salita ako'y magtatagumpay

Ang aklat na ito ng kautusan ay huwag mahihiwalay sa iyong bibig,

kundi iyong pagbubulayan araw at gabi,

upang iyong masunod na gawin ang ayon sa lahat na nakasulat dito:

sapagka't kung magkagayo'y iyong pagiginhawahin ang iyong lakad,

at kung magkagayo'y magtatamo ka ng mabuting kawakasan. 

Josue 1:8

Pangako ng Diyos sa Akin: Siya ang tutulong sa akin

"Nang magkagayo'y nagsidaing sila sa Panginoon sa kanilang kabagabagan,

at iniligtas niya sila sa kanilang kahirapan. 

Sinugo niya ang kaniyang salita, at pinagaling sila,

at iniligtas sila sa kanilang mga ikapapahamak. 

Oh purihin ng mga tao ang Panginoon dahil sa kaniyang kagandahang-loob,

at dahil sa kaniyang kagilagilalas na mga gawa sa mga anak ng mga tao!"

Mga Awit 107:19-21

Pangako ng Diyos sa Akin: Siya ay mayroong magandang plano para sa aking buhay

Sapagka't nalalaman ko ang mga pagiisip na aking iniisip sa inyo,

sabi ng Panginoon,

mga pagiisip tungkol sa kapayapaan,

at hindi tungkol sa kasamaan,

upang bigyan kayo ng pagasa sa inyong huling wakas. 

At kayo'y magsisitawag sa akin,

at kayo'y magsisiyaon at magsisidalangin sa akin,

at aking didinggin kayo.

Jeremias 29:11-12 

Pangako ng Diyos sa Akin: Kanyang ipanapahintulot ang mga pagsubok upang ako'y lumago

"At hindi lamang gayon,

kundi naman nangagagalak tayo sa ating mga kapighatian na nalalamang

ang kapighatian ay gumagawa ng katiyagaan; 

At ang katiyagaan, ng pagpapatunay;

at ang pagpapatunay, ng pagasa:"

Roma 5:3-4

Pangako ng Diyos Sa Akin: Siya ay mas malaki kaysa anumang problema ng mundo

"Ang mga bagay na ito ay sinalita ko sa inyo,

upang kayo'y magkaroon sa akin ng kapayapaan.

Sa sanglibutan ay mayroon kayong kapighatian:

nguni't laksan ninyo ang loob;

aking dinaig ang sanglibutan."

Juan 16:33